Диарея — бұл жағымсыз және өте кең таралған жағдай, адамның іші ауырып, тәулігіне 3 рет сұйық нәжіс, метеоризм, ағзаның жалпы сусыздануы, сылбырсыздық, кейде жүрек айнуы мен құсу, температураның көтерілуі орын алады.
Диарея міндетті түрде емдеуді талап ететін жағдайлардың бірі – егер “бәрі өзі кетеді” немесе “бірдеме болып өзі қояды” деп күтсеңіз, өмірге қауіп төндіретін гиповолемиялық шокқа дейін өте ауыр асқынуларға ұшырауға болады – ағзаның сусыздануына байланысты қан көлемінің төмендеуі және оның “қоюлануы” – бұлшықет құрысуы және бүйрек жеткіліксіздігі.
Бірақ диареяны немен емдеуді қалай таңдауға болады, бүгінгі күні дәріхана сөрелерінде ауырсынуды басатын, іш өтуді тоқтататын, микрофлораны қалпына келтіретін ондаған заттар бар емес па?
Түсіну үшін бірнеше кеңестер келтірейік.
1-кеңес. Диарея түрін қарастырыңыз. Диареяның негізгі төрт түрі бар. Экссудативті диарея ішектің ішкі шырышты қабығының зақымдалуы, мысалы, эрозия немесе жаралар болған кезде орын алады. Гиперсекреторлық диарея инфекциялық патологиялар — мысалы, эшерихиоз, тырысқақ, E.coli бактерияларын жұқтыру кезінде ішектің токсиндерден шамадан тыс тітіркенуінен туындайды. Сондай-ақ, гиперсекреторлық диарея іш өткізгіш препараттарды ұзақ уақыт бақылаусыз қабылдау кезінде орын алуы мүмкін. Осмотикалық диарея ішектің су сіңіру белсенділігінің төмендеуімен және нәжіс көлемінің ұлғаюымен көрінеді. Диареяның бұл түрі зат алмасудың бұзылысы, созылмалы панкреатит, өт қышқылдарының жеткіліксіздігі және ішектің қанмен қамтамасыз етілуінің бұзылысы кезінде туындайды. Моторлық гиперкинетикалық немесе гипокинетикалық диарея — бұл ішектің моторлық (қозғалыс) функциясының бұзылуы, ол күйзеліс, невроз және асқазан сөлінің қышқылдығын төмендететін препараттарды ұзақ қабылдау кезінде орын алуы мүмкін. Диареяның түрін біле отырып (ал оны дәрігер тексеру және талдау нәтижелері бойынша белгілейді), аурумен күресу стратегиясы да айқын болады.
2-кеңес. Диареяның себебін ескеріңіз. Сонымен, егер моторлық диарея көбінесе инфекциялық емес болса, ал диареяның басқа түрлері әрдайым инфекциямен бірге жүреді. Инфекциялық емес диарея жағдайында негізгі ауруды емдеу керек, өйткені диарея — бұл аурудың көріністерінің бірі ғана, симптомы. Диареяның инфекциялық түрі кезінде (және бұл әр 10 жағдайдың 8-і) мәселені механикалық түрде тоқтатпау өте маңызды, ол ауруды тудыратын микроағзаларды ішекте бұғаттайды, оның орнына ағзаға түскен инфекциялық агентті кетіру керек. Әйтпесе, диарея тоқтаса да, одан да ауыр проблемалар басталады. Сонымен, бактериялық диарея кезінде проблеманы іште «бұғаттау» арқылы септикалық шок алуға болады — ағзаның ауру тудыратын бактериялардың өмірлік белсенділігі өнімдерімен ауыр улану (интоксикация) жағдайы. Септикалық шок қысым мен бұлшықет тонусының төмендеуі, жүрек ырғағының бұзылуы, жалпы үдемелі әлсіздік пен бас айналу, жүрек айну және құсу, суық тердің пайда болуы, есінен танып қалу және тіпті есін жоғалту сияқты белгілермен көрінеді.
3-кеңес. Кешенді препараттарды таңдаңыз. Энтеросорбент-препараттар өзіне уыттарды «тартады»; іш өтуді тоқтататын препараттар диареяны механикалық түрде тоқтатады; ауырсынуды басатын дәрілер және спазмолитиктер диареяның жағымсыз белгілерімен күреседі; пробиотиктер ішек микрофлорасының аурудан кейінгі бұзылған теңгерімін қалпына келтіруге көмектеседі. Дәріні уыстап ішпеу және асқынулардың пайда болу мүмкіндігін болдырмау үшін кешенді әсер ететін препараттарды таңдаңыз. Бір уақытта диареяның себебімен (инфекциялық агентпен) күресетін және ішектің қалыпты микрофлорасын бұзбайтын препараттарды. Мұндай кешенді әсер ететін заттарға заманауи ішек антисептиктері, оның ішінде Стопдиар ішек антисептигі жатады. Препарат ауру қоздырғыштарына белсенді түрде қарсы тұрып, диареяның тікелей себебін жояды, ал себептерін жою арқылы интоксикация белгілері, ауырсыну және ішек спазмы басылады. Сондай-ақ, Стопдиар қалыпты ішек микрофлорасын баспайды. Стопдиарды отбасылық диареяға қарсы дәрі деп атауға болады. Қолдану барынша ыңғайлы болу үшін препарат үш нысанда шығарылады. Стопдиар суспензиясын 2 айдан бастап балалар диареясын емдеу үшін қолдануға болады, Стопдиар капсулалары мен таблеткаларымен ересектер диареясын емдеуге болады .
4-кеңес. Дұрыс тамақтану және ішу режимі туралы ұмытпаңыз. Неліктен? – Өйткені ол да дәрі-дәрмектердің әсерін толықтыратын диареямен белсенді күресудің элементтері. Егер тамақтану режимі бұзылса және рацион дұрыс таңдалмаса, диарея ұзаққа созылуы мүмкін!
Сонымен, диарея кезінде бөліп тамақтану керек, тамақты күніне 4-6 рет шамалы мөлшерде ішкен жөн. Тамақ бейтарап, асқазан мен ішектің шырышты қабығының тітіркенуіне жол бермейтін болуы керек. Диареяға арналған рационның негізі – тұтқыр сүтсіз ботқа, езбе көже, пісірілген майсыз ет, буға пісірілген майлы емес котлет, кисель, кептірілген нан. Емдеуді бастағаннан кейін біраз уақыттан кейін диетаға бифидо- және лактобактериялармен байытылған ашытылған сүт өнімдерін енгізуге болады.
Сусын ішу режимі өте маңызды. Күніне 2-2,5 литр таза ауыз су ішу арқылы сіз, біріншіден, сусыздану ықтималдығын азайтасыз, екіншіден, диареяның қоздырғыштары-ауру тудыратын бактериялардың тіршілігі нәтижесінде түзілетін токсиндерді ағзадан “шайып шығару” процесін қосымша белсенді етесіз.
Диареяны емдеуде бұл жағдаймен күресті мүмкіндігінше ертерек бастау өте маңызды – сондықтан диареяның құрбаны болған баланың немесе ересек адамның ағзасы аз зардап шегеді; асқынулардың пайда болу ықтималдығы төмен болады.
Эта ссылка позволяет Bам получить доступ к сторонним веб-сайтам, которые не находятся под контролем компании «Гедеон Рихтер». Таким образом, «Гедеон Рихтер» не несет ответственности ни за содержание этих веб-сайтов, ни за какие-либо покупки или другие действия, совершенные через эти веб-сайты. Доступ к сторонним веб-сайтам и их использование осуществляется на ваш страх и риск и регулируется условиями использования этих веб-сайтов, с которыми вам следует внимательно ознакомиться.
